Məni də qat sevdiklərinə

Mövzu: Məni də qat sevdiklərinə Ç.a. İyul 19, 2011 2:30 pm

"Ər-Rəhman"

Rəhman və Rəhm olan Allahın adıyla...

Rəbbim,
Bu dünya qürbətində tək olarkən, ruhumda alovlar alovlanmışkən başqa çarəm yoxdu. Başqa bölgəm yox yox, başqa istiqamətim yox. Yaradanımsan, sənə gəlirəm. Sənə sığınıram. Çöllərdəyəm. Ruhumda damar damar çatlaqlarım var rəhmətinə möhtacam.Çöllərdə səni sayıqlayan bir məcnunum, Leylasını axtaran. Bütün çölləri , bütün dağları, bütün yoxuşları aşmaq diləyər könül dağım. Bir viranəyəm dil xanasında.
Səndən mərhəmət diləyirəm.
Özümü görürəm aynada. Min qəbiristanlıq var ürəyimin dərinliyində. Darı dünya kədərli, mən kədərliyəm. Pisliklər yeni saatını qurur yeni səhərlərə. Mən oyanıram. Ürəyimi açıram, əllərimi açıram ərzi səmaya...

Rəhman və rəhm olan Rəbbim,
Bu dünya qürbətində təkəm, sənə sığınıram...
Məni də qat sevdiklərinə.
Cənnətinə, rəhmətinə, mərhəmətinə...

Rəbbim,
Yağış yağmır artıq. Könül sahillərimiz quraq kərbəla kimi. Göllər quruyur, çöllər oyanıq. Həyat uğuldayır son nəfəs. Çox incitdik dünyanın xəritəsini. Bu yaşadığımız cümlə məxluqatın qarğışıdır. Əmanət idi bütün kainat. Bütün qərənfillər barışdı. Cənnətdən bir parça idi bütün uşaqlar, analar. Himayəçisiz sanaraq insanlığı, qəddar və ürəyi kor əllər yağmaladı dünya bağına. Dəhşət və hüzn yumağı qitələr, dənizlər, yorğun çaylar səndən himmət diləyər... Yanırıq rəbbim. Rəhm eylə. Sənin sonsuz mərhəmətin qucaqlasın bizi. Rəhmətinin sərhədi yox. Şəfqətinin dənizi böyük. Bizi də qat dənizinə.Ürəyimi qoyuram sənin göylərinə...

Rəhman və rəhm olan Rəbbim,
Bu dünya qürbətində təkəm, sənə sığınıram...
Məni də qat sevdiklərinə.
Cənnətinə, rəhmətinə, mərhəmətinə...

Rəbbim,
Dünya qoxularını üzərimdən silmək və bir şam zamanı gəlmək qapına. Sonsuz bir səcdəyə bağlanmaq. Əllərimi bağlasam, hüzurunda səcdəyə dayansam və donsam sonsuza qədər. Küləklərinə qarışmaq yarpaq kimi... Bu sevdanın xülyasındayam. Sinəmdə düyünlənilən sirlərimi həll etsəm. Dilə gəlsə günahlarım hüzurunda. Hüznüm sona çatsa. Sinəmə ilişdirdiyim adın xaricində yaddaşım unutsa bildiyim hər şeyi.Eşitməsəm, görməsəm, ilişməsəm yaşadığım heç bir şeyə. Mərhəmətin dərman qanayan ürəyimə. Sən Rəhmansan. Məni qoruyan, güdənsən. Məni tək və kimsəsiz buraxmayansan.Həmişə yanımdasan. Mənə məndən daha yaxınsan. Sonsuz mərhəmətinə sığınıram...

Rəhman və rəhm olan Rəbbim,
Bu dünya qürbətində təkəm, sənə sığınıram...
Məni də qat sevdiklərinə.
Cənnətinə, rəhmətinə, mərhəmətinə...

Rəbbim,
Sən Rəhmansan... Cümlə məxluqatı əhatə edənsən. Şəfqətdən ,mərhəmətdən, rəhmətdən, yaxşılıqdan gözəllikdən yana nə varsa selsə bil üstümüzə yağdıransan. İlıq mərhəmətin, ipəkdən şəfqətin, rəhmətin olmasa mən olmaram. İnsanlıq olmaz. Tufanım olar, tufanımız olar darı dünya. Bir qədim gerçəkdir sənə olan eşqim, eşqimiz.Talehim yanmaqsa illərcə yanaram. Ərimək diləyirəm atəşində pərvanə kimi. Bu könül sənsiz neyləsin nəfəs almağı. Yaşamağı. Ruhumun ünvanında sən varsan. Doxsan doqquz adın var. Həyatım talehin düzümündədir. Sahibimsən, əfəndim, sultanımsan. Sahib olmadığın heç bir şeyim yox...

Rəhman və rəhm olan Rəbbim,
Bu dünya qürbətində təkim, sənə sığınıram...
Məni də qat sevdiklərinə.
Cənnətinə, rəhmətinə, mərhəmətinə...

Mövzu: Geri: Məni də qat sevdiklərinə Ç.a. İyul 19, 2011 3:17 pm

ne gozel movzular qoymusan tesekkurler

Mövzu: Geri: Məni də qat sevdiklərinə Ç.a. İyul 19, 2011 5:46 pm

Deye bilerem ki,indiye qeder rastlashdigim en gozel movzulardir,chox boyuk hevesle oxudum teshekkurler Aytac.

Mövzu: Geri: Məni də qat sevdiklərinə Ç.a. İyul 19, 2011 6:09 pm

Çox sağ ol Aytac. Belə mövzulardan tez-tez yazın.

Mövzu: Geri: Məni də qat sevdiklərinə Ç.a. İyul 19, 2011 6:48 pm

Coooox sag ol Aytac
Heqiqetende maraqli movzular qoyursan
Insallah ardida geler

Mövzu: Geri: Məni də qat sevdiklərinə Çər. İyul 20, 2011 4:09 pm

Təşəkkür edirəm.Mən Din-lə bağlı mövzuları çox sevirəm və özümdə böyük həvəslə oxuyuram.