Alaca, ha bulaca,
Səpdirmişəm yamaca,
Düz dırmaşar ağaca.
***
Anaxanım atlandı,
Qol-qanadı qatlandı.
***
Babam oturub al çuxada,
Kim soyundursa gözü çıxar.
***
Bağda bitər tağı yox,
Ha sıxarsan yağı yox.
***
Bədəni yerdə,
Saqqalı göydə.
***
Bir damım var, qapısı yox.
***
Lalalar, ay lalalar,
Laladan piyalalar,
Qol-budağı çiçəklər,
Köklərindən balalar.
***
Ləyənda, ay ləyəndə,
Gül boynunu əyəndi,
Yeyilər kal vaxtında,
Yemək olmaz dəyəndə.
Açması: Xiyar
Ağ yerə toxum səpərlər
***
Ağzı birdi, dili mindi,
Gah belə deyir, gah elə.
***
Ağca atı nalladım,
Səmərqəndə yolladım.
***
Bir qapağı, Min yarpağı.
***
Bir qarpızım var cığal
Üstünə dünya sığar.
***
Bir sehirli fanaram,
Kibritsiz də yanaram
Nə yerdə yox, nə göydə
Havadan sallanaram.
***
Quş deyil qanadı var,
Quşlardan yeyin uçar.
***
Dolanar bütün ərzi,
Aşar dağı, dənizi.
Gəzib göydə gecələr
Gəlib yerdə dincələr.
***
Gedir-gedir izi yox,
Kəsir-kəsir qanı yox.
***
O nədi ki, yeməyi benzindi,
Ayağı rezindi.
***
Özü qara, sözü ağ.
***
O nədi ki, içində qışdır,
Çölündə bahar.