Ermənistan "Eurovision 2012"də iştirak edəcək?

Bildiyiniz kimi 90-cı illərin əvvəllərindən bu yana Azərbaycan və Ermənistan Dağlıq-Qarabağ probleminə görə bütün əlaqələri kəsib və May ayının 14-ü keçirilən "Eurovision" müsabiqəsinin finalında Azərbaycanın qalib olmağıyla bir sual meydana gəlir: "Ermənistan "Eurovision 2012"də iştirak edəcəkmi?"

Mix.Az-ın verdiyi məlumata görə bu haqda erməni siyasətçilərin, hərbi ekpertlərin və mədəniyyət adamlarının fikirləri çox müxtəlifdir.

Belə ki, hərbi ekspert Artsrun Hovhannisyan belə fikirləşir: "Məncə hər bir halda müsabiqədə iştirak etməməyimiz böyük bir səhvdir, biz onların seçdiyi strategiyadan istifadə edərək hər işə nifrəti soxmamalıyıq".

Musiqi kritiki Artur Şahnəzəryana görə Ermənistan təkcə Azərbaycanda yox, heç bir yerdə ərəb və türk musiqisindən götürülmüş mahnılarla iştirak etməməlidir.

Qafqaz İnstitunun direktor köməkçisi, siyasi alim Sergey Minasyan fikirləşir ki, Ermənistanın bu müsabiqədə iştirakı siyasi cəhətdən məqsədə uyğundur: "Əgər Ermənistan müsabiqəyə qatılmasa, Azərbaycanın əlinə təbliğat fürsəti düşəcək və mən (qondarma) Dağlıq-Qarabağın da müsabiqədə iştirak etməyini istərdim".

Bəstəkar Ara Gevorgyan isə belə deyir: "Əgər idmançılar Bakıya gedirsə, niyə musiqiçilər gedə bilməsinlər?" və bu sözləri fikrinə əlavə edir: "Biz Bakı üçün ən yaxşı mahnını seçməliyik, əgər bunu bacarmasaq müsabiqədə iştirak edərək özümüzü biabr etməyin heç bir mənası yoxdur".

Bir çox xarici ekpertlər isə düşünür ki, "Eurovision"un Bakıda keçirilməyi Azərbaycan-Ermənistan münasibətlərində xeyirə doğru böyük dəyişikliklər edəcək. Bəs sizcə adi bir mahnı müsabiqəsi illərdir həll oluna bilinməyən problemi həll edib tarixi torpaqlarımızı geri qaytara biləcəkmi?...