Məşhur riyaziyyat professoru: “İmam Cəfərin (ə) elmi açılışlarına heyran oldum və İslamı qəbul etdim”
2002-2005-ci illərdə dünyada riyaziyyat professorları arasında ən fəal alim adına layiq görülmüş professor Novikov İslam dinini qəbul etdiyini bəyan edib. O bildirib ki, müqəddəs Quranda mövcud olan möcüzələr onu həqiqət dininə gətirib, - “İslamNyus” xəbər verir.
“Uzun müddət ərzində mən çox çətin bir riyazi məsələni həll edə bilmirdim. Yuxuda olduğum zaman mən anladım ki, mənim bu məsələmin cavabı Qurani-Kərimdədir”, - deyə professor vurğulayıb.
O əlavə edib ki, bundan iki il sonra o, İslam dini ilə tanış olmağa başlayıb və sonra İslam dinini qəbul etmək qərarına gəlib. Professor İslam dinində ən böyük sevgisi olan məktəb kimi İmam Cəfər Sadiqin (ə) məktəbini adlandırıb. O, əziz İmamın (ə) elmi açılışlarına heyran olduğunu bildirib və buna görə də özünə Cəfər adı götürüb. “İmam Cəfər Sadiqin (ə) elmi açılışları o dərəcədə proqressiv olub ki, hətta bəzi hallarda müasir elm onlardan baş çıxara bilmir. İslamın böyük məsumları (ə) Allahdan ilham olunan elmlərə malik olublar”, - deyə professor əlavə edib.