Yerin daxili quruluşunu öyrənmək bir qədər çətindir. Çünki, bu kürənin içərisi adi gözlə görünmür. Onu öyrənmək üçün hökmən dərin quyular qazılmalıdır. Lakin, planetimizdə qazılan ən dərin quyuların dərinliyi 15 kilometrdən çox deyil. Müasir texnika çox dərin quyular qazmaqda acizdir. Müxtəlif yollarla yerin daxili quruluşu az da olsa öyrənilmişdir.
Bir halda ki, Yer kürə şəklindədir, deməli onun içərisində nəisə olmalıdır. Müəyyən edilmişdir ki, Yerin ən ortasında nüvə yerləşir. Nüvənin qalınlığı 3500 kilometrdir. Orada temperatur çox yüksəkdir. Maddələr sıxılmış haldadır. Hələ də onların hansı maddə olduğu dəqiq müəyyən edilməmişdir.
Nüvəni hər tərəfdən mantiya əhatə edir. Mantiyanın qalınlığı 2900 kilometrdir. Mantiya qatı mayedən ibarətdir. Mantiyanın üstü bərk yer qabığı ilə örtülmüşdür. Nüvə və mantiya ilə müqaisədə yer qabığı çox nazikdir. Onun orta qalınlığı 40 kilometrdir. Yer qabığının qalınlığı hər yerdə eyni deyil. Dağlarda onun qalınlığı 78-80 kilometr, okeanlarda isə 5-10 kilometrdir. Yer qabığı nüvə və mantiyadan fərqli olaraq möhkəmdir. Bütün canlılar yer qabığının üzərində yaşayırlar.
Yerin daxili quruluşunu yaxşı başa düşmək üçün onu yumurta ilə müqaisə edin. Yumurtanın sarısını nüvə, ağını mantiya, qabığını isə yer qabığı kimi təsəvvür etmək olar. Göründüyü kimi, qabıq hissə çox nazik və möhkəmdir. Ağ və sarı hissələr isə qatı maye şəklindədir.
Yerin daxilinə getdikcə temperatur artır. Buna görə də nüvə və mantiyada temperatur çox yüksəkdir. Bu, dərin quyular qazılan zaman təsdiq olunmuşdur
B. İyun 21, 2015 10:03 am tarafından Əliyusif
