-αуtαc- Admin
Mesaj Sayısı : 1398 Doğum tarihi : 05/08/97 Kayıt tarihi : 09/10/10 Yaş : 26 Nerden : Azərbaycan-Biləsuvar
| Mövzu: Hər şey SƏNƏ əyilir Ya Rəbb! B. Sen. 04, 2011 2:11 pm | |
| Hara baxsam, hansı tərəfə yönəlsəm belə; bütün varlıqlar sənin hökmünə boyun əymiş, rüku edir. Sanki hər şey dilə gəlmiş qışqırır: "Gəl sən də bizə qatıl! Əyil, sənin və bütün varlıqların sahibinə! Yoxdan var edənə əyil. Əyil ki, O sənin başını əydirməsin, səni kimsəyə zəlil etməsin…" Nə möhtəşəm bir nizam qurmusan Rəbbim! Hər zərrəyə damğanı vurmusan. Görmək istəyənlərə görünən, eşitmək istəyənlərə qışqıran damğalar və işarələr... Görmək istəməyənlərə silinən, eşitmək istəməyənlərə dilsiz kəsilən izlər... Ey Sevgili! Ən Sevimli! Ey Rəbbim! Üfüqümü aç görüm, könlümü aç anlayım, pərdələri qaldır, eşidim. Çünki onları şəkilləndirən sənsən; onları dedirdən də sən!...
Dənizlərdən yüksəltdiyin buludları seyr etdim. Heybətlə təsdiqlən bir pəhləvan kimi göyə yüksəlirlər. Yüksəldikcə gurlaşır, gurlaşdıqca sıra dağları xatırladırlar. Göylərdə azad gəzəcəklərini sandım. Amma xeyr! Anladım, yolları çəkilmişdi. Məğrur başlarını itaətlə əydilər, hər biri yollarında getdilər. Sənin əzəmətin qarşısında damla-damla yerə bağlanırlar. Sonra bir araya gəlib, dərələrə, çaylara çevrilirlər. Eşqinlə divanə kimi başlarını daşlara vura-vura çırpınırlar. Yenə bulud olub yüksəlmək üçün, yenə sənin hüzurunda əyilmək üçün... Və o damlalar: Ölü torpaqlara can olurlar, can qatırlar. O canla dirilən hər şey bir cavan kimi inkişaf edib səpilir. Sonra… sonra yetkinləşir, başlarını bükürlər. Əkinlər, ağaclar, dağlar, daşlar... Hər şey səni bilir, uca hüzurunda boyun əyir... Ulduzlar, planetlər... Hamısı sənin nuruna pərvanədir. Dönür, dönür, itaətlə sənə ruku edir, səni təsbeh edirlər. Kim deyib ki, yalnız insanoğlu rüku edər, baş əgər?! Zərrələr, insanlar, mələklər, dağlar, daşlar… Bütün varlıqlar ruku edir. Bir an dayanmadan rüku edir, sənin ucalığın qarşısında əyilir. Ey Rəbbim! Bütün kainat sənin hüzurunda əyilərkən, bu ahəngə mənim də bilərək, istəyərək qatılmağımı istədin.
"Namazı tam qılın, zəkatı haqqıyla verin və ruku edənlərlə birlikdə siz də ruku edin!" (Bəqərə, 43) buyurdun. "Ey iman edənlər! Ruku edin, səcdə edin. Rəbbinizə ibadət edin. Xeyr işləyin ki, qurtuluşa çatasınız." (Həcc, 77) dedin. Buyruğun başım üstünə Rəbbim... Eşidir, itaət edir, hüzurunda əyilirəm Rəbbim! Məni başqalarına əydirmə! Sənə ruku etməyin həzzini mənə daddır! Ruku edənlərlə birlikdə, hüzurun ruku edərək girməyi nəsib et! | |
|