Planetimizin sıx bitki örtüyü və zəngin heyvanlar aləmi var.Buna görə də bizim planeti “yaşıl planet“ adlandırırlar. Lakin onu “mavi planet” adlamdırmaq daha düzgündür.
Çünki Yer kürəsi səthinin çox hissəsi “mavi örtüyə“ bürünmüşdür. Bu mavi örtük okean və dənizlərdir. Yer kürəsindəki okeanlar və dənizlər hamısı birlikdə Dünya okeanı adlanır.
Dünya Okeanı dord böyük hissədən ibarətdir. Onun ən böyük hissəsi Sakit okeandır. Sakit okean Dünya okeanının sahəsinin yarısını tutur. Sakit okean həm də ən dərin okeandır. Onun ən dərin yeri 11022 metrdir. Bu okeanın dibində tez-tez zəlzələlər olur və çox-lu vulkan püskürür. Sakit okeanda çoxlu adalar vardır. Burada çoxsaylı heyvan və bitkilər yaşayır.
Dünya okeanının ikinci böyük hissəsi Atlantik okeanıdır. Bu okeanda da çoxlu adalar var. Atlantik okeanın dibində sualtı uzun dağlar yerləşir. Bu dağlar şimaldan cənuba doğru uzanır. Okeanın şimalında iri buz parçaları üzür. Bu buz parçaları aysberq adlanır. Aysberqlər okeanda üzən gəmilər üçün təhlükəlidir. Atlantik okeanında da çoxlu sayda balina və delfinlər yaşayır.
Üçüncü okean Hind okeanıdır. Hind okeanı ən isti okeandır. Bu okeanda çoxlu mərcanlar yaşayır. Mərcanlar bəzəkli muncuqlara oxşayır. Onlar muncuq kimi bir-birinə yapışaraq mərcan adalarını əmələ gətirirlər.
Ən kiçik okean Şimal Buzlu okeanıdır. Bu okean qütbünün ətrafında yerləşir. Ora çox soyuq olduğu üçün onun səthi həmişə buzla örtülü olur. Şimal Buzlu okeanı həm də digərlərindən ən dayazıdır.
Okeanların ayrı-ayrı hissələrinə dəniz deyilir. Bir çox dənizlər materiklərin içərisinə daxil olmuşlar. Bu dənizlər daxili dənizlər adlanır.Daxili dənizlər okeanlarla boğazlar vasitəsilə birləşir. Məsələn, Cəbəllütariq boğazı Aralıq dənizini Atlantik okeanı ilə birləşdirir. Qara, Azov, Xəzər və s. dənizlər daxili dənizlərdir.
B. İyun 21, 2015 10:03 am tarafından Əliyusif
